నిర్వాణషట్కం

మనోబుద్ధ్యహంకారచిత్తాని నాహం - న చ శ్రోత్రజిహ్వే న చ ఘ్రాణనేత్రే
న చ వ్యోమభూమిః న తేజో న వాయుః - చిదానందరూపః శివోzహం శివోzహమ్ || ౧ ||

న చ ప్రాణసంజ్ఞో న వై పంచవాయుః - న వా సప్తధాతుర్న వా పంచకోశః
న వాక్ పాణిపాదౌ న చోపస్థపాయూ - చిదానందరూపః శివోzహం శివోzహమ్ || ౨ ||

న మే ద్వేషరాగౌ న మే లోభమోహౌ - మదో నైవ మే నైవ మాత్సర్యభావః
న ధర్మో న చార్థో న కామో న మోక్షః - చిదానందరూపః శివోzహం శివోzహమ్ || ౩ ||

న పుణ్యం న పాపం న సౌఖ్యం న దుఃఖం - న మంత్రో న తీర్థం న వేదా న యజ్ఞాః
అహం భోజనం నైవ భోజ్యం న భోక్తా - చిదానందరూపః శివోzహం శివోzహమ్ || ౪ ||

న మృత్యుర్న శంకా న మే జాతిభేదః - పితా నైవ మే నైవ మాతా న జన్మ
న బంధుర్న మిత్రం గురుర్నైవ శిష్యః - చిదానందరూపః శివోzహం శివోzహమ్ || ౫ ||

అహం నిర్వికల్పో నిరాకారరూపో - విభుర్వ్యాప్య సర్వత్ర సర్వేంద్రియాణామ్
సదా మే సమత్వం న ముక్తిర్న బంధః - చిదానందరూపః శివోzహం శివోzహమ్ || ౬ ||